ضلع کیچ و آواران آن پاکستانی لشکر مسہ بندغ ءِ دزگیر کریسہ بے گواہ کرے۔
کیچ آن بے گواہ مروکا ورنا نا چاہنداری چاکر ولد اختر نا پن آن مسونے ہرادے پاکستانی لشکر استو کیچ نا تحصیل تمپ گومازی ٹی چھاپہ خلیسہ دزگیر کننگ آن گڈ بے گواہ کرے۔
حوالی نا رِدئٹ چھاپہ نا وخت آ فورسز مخلوق آ بیدادی کریسہ ورنا ءِ اُرا والا تا مون آن بیدادی کریسہ تینتون درے ہراڑان گڈ اونا ہچو حوال ئس اف۔
ایلو پارہ غان آواران آن حوال ءِ کہ استو فورسز چھاپہ خلیسہ ارا بندغ ءِ دزگیر کریسہ بے گواہ کرینے۔
ہرافتا چاہنداری عالم ولد شاکر و غمانی ولد باہوٹ نا پن آن مسونے۔