زوراکی ئٹ بیگواہ عبدالحمید زہری سی و یک تُوہ زوراکی نا بیگواہی آن پد یلہ مریسہ تینا اُرا ءِ سر مس۔
یلہ مننگ ءِ پک کریسہ عبدالحمید نا مسڑ سعیدہ حمید چاگڑدی احوالکاری تلہ ایکس آ نوشتہ کرے کہ سی و یک توہ نا تادی و تکلیف سگنگ آن گڈ کنا باوہ عبدالحمید زہری یلہ مریسہ اُرا ءِ سر مسنے۔
عبدالحمید زہری ءِ 10 اپریل سال 2021 ئٹ کراچی آن دزگیر کننگ آن پد زوراکی ئٹ بیگواہ کننگاسس۔
عبدالحمید زہری نا خاہوت اونا زوراکی ئٹ بیگواہی نا برخلاف تدوکا اِرا سال آن کراچی و اسلام آباد تون اوار بلوچستان ئٹ برانز ریکارڈ کرفینے۔