بلوچستان نا ضلع کیچ ئٹ نا درست آ بندغ آک پاکستانی لشکر ءِ بمب جلہو ئٹ ٹک کرینو۔
فورسز ءِ کیچ ئنا علاقہ بلیدہ ٹی ٹک کننگانے۔ کوالخواہ تا رد ئٹ جلہو نا سوب آن اسہ میجر ئسے تون اوار ارا کارندہ ٹپی و پنچ مرگ ئنا گواچی مسنو۔
پولیس نا رد ئٹ ہفتہ نا سہب آ بلیدہ گلیسر ئٹ نا درست آ بندغ آتا پارہ غان کڈ کروکا بمب تراک نا سوب آن ایف سی نا گاڑی ءِ نسخان رسینگا ہرانا سوب 5 کارندہ لانس نائیک طارق، ٹیپو رازق، شفیع، طارق بیچارہ و سنی شوکت ہمو ہند آ مرگ ئنا گواچی مسر وختس کہ میجر عباس و لانس نائیک ممتاز ٹپی مسر۔
پولیس نا رد ئٹ تراک آن گڈ جلہو کار آتا پارہ غان سم کاری ہم کننگا۔
یاتی مرے کہ بلوچستان ئٹ پاکستانی لشکر آ برجائی ئٹ جلہو مریسہ کیک ہراڑے فورسز ءِ بھلو کچ اسیٹی نسخان تیتون مون تروئی تمانے۔ ہرافتا ذمہ واری ءِ آجوئی دوست سلہہ بند تنظیم آک ارفسہ کرینو واہم دا جلہو نا ذمہ واری ءِ دائسکان کس ارفتنے۔