سوشل ویلفیئر گوادر نا ڈپٹی ڈائرکٹر قدیر لقمان نا کمک ئٹ سوشل ویلفیئر پسنی اینڈ اسپیشل ایجوکیشن پسنی نا پارہ غان بلوچی نا پنی آ شاعر مبارک قاضی نا یات ئٹ گورنمنٹ بوائز ہائی اسکول شپانکو بازار پسنی ٹی زالبول آک مشاعرہ دیوان ئس ہڈ تسر۔
دیوان نا مہمان خاص بلوچ ادیب و شاعر منیر مومن ئس۔ مہمان آتون ہمراہ داری کروک پنی آ شاعر میر عمر میر، زبیر مختار، سیاسی و چاگڑدی شخصیت شربت گل، سول سوسائٹی رجسٹرڈ نا کماش پرویز سفر، ازم آزمان پسنی نا عہدیدار آک ہم ئسر۔
پسنی نا جتاء علاقہ تیان بھلو کچ اسیٹی زالبول آک مشاعرہ ٹی بشخ ہلسہ شاعر آشوب ایماندار مبارک قاضی نا زند ئنا بابت ہیت کریر و شاعر آک شئیر خوانار۔
مشاعرہ ٹی ساڑی زالبول آک ایماندار مبارک قاضی نا شخصیت و شاعری نا بابت ہیت کریر۔
اوفک پاریر کہ ایماندار مبارک قاضی اسہ بھلو شاعر اس ئس ہرا تینا شاعری آن بلوچی بولی و ادب ءِ شرف بشخا۔
اوفک پاریر کہ ایماندار مبارک قاضی نا شاعریک مدام زندہ سلور۔
شاعر آک ایماندار مبارک قاضی نا یات ئٹ شاعری خوانار۔ او شاعری تیٹی ایماندار مبارک قاضی نا شخصیت و شاعری نا صفت کننگا۔
دیوان ئٹ ازم آزمان نا کماش میر قمبر کلمتی، یوسف معیار، سر عاشق حسین و ایلوفک ہم ساڑی مسر۔