بلوچ یکجہتی کمیٹی نا راہشون ڈاکٹر ماہ رنگ بلوچ چاگڑدی احوال کاری نا ماہیکرو بلاگنگ سائٹ ایکس آ تینا اسہ بیان اسیٹی پارے کہ بندغی حق آتا گَل آک پنی آ صحافی اسد طور کن توار ارفر۔
او پارے کہ پاکستان ئٹ، ہراتم صحافی، سیاسی باسک، یا بندغی حق آتا علمبردار آک راہبند و قانود آ ہیت کیرہ، گڑا اوفتے ہر وخت مقدمات، ایف آئی آر و تڑی تیتون مون تروئی تمک وختس کہ بلوچستان ئٹ زوراکی ئٹ بے گواہی یا بیدس عدالت خون آتا بیم آک زیات مریرہ۔
ڈاکٹر ماہ رنگ بلوچ پارے کہ بندغی حق آتا گَل آک اسد طور نا رکھ ئکن ہلہلئی توار ارفر۔