بلوچستان نا ضلع آواران آن پاکستانی لشکر اسہ ورنا ئسے دزگیر کرسہ بیگواہ کرینے۔
بیگواہ مروکا بندغ نا چاہنداری ضمیر ولد محمد نا پن ئٹ مسنے۔
بلوچ نیشنل موومنٹ (بی این ایم) نا بندغی حق آتا ڈپارٹمنٹ “پانک” نا رد ئٹ پن کروک آ بندغ ءِ پاکستانی لشکر آواران نا علاقہ مچی مالار آن نو جولائی آ دزگیر کرے ہراڑان گڈ او بیگواہ ءِ۔
یاتی مرے کہ بلوچستان ئٹ زوراکی ئٹ بیگواہی نا تدینیک داسا ہڑدے نا ہیت ئس جوڑ مسنے۔ ہرا ہڑدے نا بنیات آ رپورٹ مننگو۔ راج دوست آتا رد ئٹ بلوچستان ئٹ زوراکی ئٹ بیگواہی تا برخلاف جہانی ادارہ غاتا چُپی بلوچ آتین سوج ئنا ٹِک ئس مسنے۔