کنا ایلم ڈاکٹر عبدالحئی بلوچ ءِ دزگیر کریسہ زوراکی ئٹ بیگواہ کننگا – بختاور

آواران نا ہندی زوراکی ئٹ بیگواہ کننگوک ڈاکٹر عبدالحئی بلوچ نا ہیڑ بختاور بلوچ پارینے کہ کنا ایلم ڈاکٹر عبدالحئی بلوچ ءِ 1 جون 2024 آ ریاستی سکیورٹی فورسز آک دزگیر کریسہ زوراکی ئٹ بیگواہ کریسر، 44 دے تدینگ آن پد ہم اونا ہچو حوال اس اف۔ اونا بابت ننے سماء اف کہ او اراڑکن ءِ، اونا حالیت انت ءِ و اودے ہرا ڈوہ ئٹ زوراکی ئٹ بیگواہ کننگانے۔

او پارے کہ اگہ اوڑا دوبہ اس ارے گڑا اودے عدالت ئٹ ہتنگہ۔

او پارے کہ کنا ایلم سرکاری ملازم ئسے و او آواران ڈسٹرکٹ اسپتال ئٹ او ٹی نا دروشم ئٹ آپریٹنگ اسسٹنٹ ءِ، اودے کلینک آن زوراکی ئٹ بیگواہ کننگا و او دائسکان بیگواہ ءِ۔

او پارے ننا خواست ءِ کہ اگہ کنا ایلم ڈوہ اس کرینے گڑا اودے عدالت ئٹ ہتنگہ و اگہ او بے ڈوہ ءِ گڑا اودے دمدستی یلہ کننگہ۔