بلوچستان نا علاقہ تربت آن پاکستانی لشکر ننکان چھاپہ خلیسہ زالبول و اونا ایلم ءِ دزگیر کریسہ نادرست ہند آ دریر۔
پاکستانی لشکر نا دو آن دزگیری آن پد بیگواہ کننگوک زالبول نا چاہنداری لال بی بی اندن اونا ایلم نا چاہنداری پھلیں نا مار نثار نا پن ئٹ مسنے۔
بلوچستان نا صحافی و تنظیم آک ہڑتوم آ بندغ آتا دزگیری ءِ پک کریسہ پاریر کہ فورسز آک اینو سہب ئنا لال بی بی ءِ سر و سوج و موبائل ءِ دوئی مننگ آن پد یلہ کننگانے اندن اونا ایلم دائسکان فورسز آتا دزگیر ئٹی ءِ۔