ضلع کیچ نا بنجائی شار تربت ئٹی زوراکی ئٹ بیگواہی تا برخلاف اُلس اسہ وار دوارہ برانز کننگو، بھلا کسر ءِ بند کننگا۔
شابیتی حوال تا رد ئٹ لاکالج تربت یونیورسٹی نا سیکیورٹی گارڈ سعید احمد ولد نیک بخت نا زوراکی ئٹ بیگواہی نا برخلاف اونا خاہوت و علاقہ نا بندغ آک تجابان نا ہند آ ایم 8 بھلا کسر ءِ بند کریسہ برانز کننگو۔
بھلا کسر آ برانز کروک آتیٹی زالبول و چنا تا بھلو کچ اس اوار ءِ۔
برانزی تا پاننگ ءِ کہ سعید احمد اسہ بے ڈوہ و شرفدار ءُ بندغ ئسے او بھلو وخت ئسے آن لاکالج تربت ئٹ سیکورٹی گارڈ ئسک اودے اِرا دے مالو پاکستانی لشکر زوراکی ئٹ بیگواہ کرے۔
او پاریر کہ ہراتم اسکان سعید احمد ولد نیک بخت یلہ کننگ پک بھلا کسر آ برانز ءِ برجا تخون و گاڑی تا ہن و بر ءِ سلیفون۔