بلوچستان نا ضلع پنجگور نا علاقہ گرمکان رخشان جو آن اینو سُم تیٹ خُلوک جون اس خننگا۔
جون DHQ ہسپتال پنجگور آ سر کننگا ہرا نا چاہنداری وحید ولد کریم داد ہندی عیسئی کور آن مس ہرا نا بدن آ جتا انگا جاگہ تیا کیہی سم تا خلنگ نا نشان آک اریر۔ کہوک بندغ ءِ 31 مارچ 2021 آ پاکستانی لشکر دزگیر کریسہ زوراکی ئٹ بیگواہ کریسس۔
یاتی مرے کہ بلوچستان ئٹ فورسز نا دزگیر ئٹ ورنا تا خون ئنا لڑ برجا ءِ، ہراڑان زوراکی ئٹ بیگواہ بندغ آتا خاہوت آک ترند ذہنی تادی تا گواچی ءُ۔
یات مرے کہ تدوک دے تیٹ ہوشاپ کیچ ئٹ دروغ تون مون ئٹ مُسہ دزگیر مروک بندغ ءِ خلنگاسس۔