نظم پنا سنگت قاضی نا
روح ءِ جنگ آ امنا کیک
خواری و خید ئنا تیل
مُج جون ءِ خلیک چرپ کیک
لمہ نا سیخا غان مر
مج قوم آ سیخا کیک
جنگ کیک
کنا اے قاضی ولدا بریک
آھڑ آتون مون تریسہ
لوار آتے شکست تیک
گوریچ نا سختی تے غٹ
تینا جوزہ غاتیٹ سہیک
خرینا تہوش ءِ مر مِڑک
جنگ تیک
کنا اے قاضی ولدا بریک
خرینا لہجہ غاتے غٹ
مُٹ ہلوکا چہرہ غاتے
گمرئی آ خیال آتے ہم
اسہ بشخندہ تون تینا
مات تیک
جنگ کیک
کنا اے قاضی ولدا بریک
جنگ ئنا کل فن آتیان واخب
ہر سلہہ نا ٹکا غان واخب
مش تے جنگ ئنا چِندی خلسہ
ورنا تیکن سنج کیک تیار کیک
مار تے ہکل و کوکار تیک
جنگ کیک
کنا اے قاضی ولدا بریک
سنجد بلوچ