بلوچستان نا اِرا جتا آ ضلع غا تیٹ مروک جتا حالیت نا شکست و تدینی تیٹ شش بندغ مرگ ئنا گواچی اندن دہ ٹپی مسُر۔
تدینیک بلوچستان نا علاقہ چمن و ڈیرہ بگٹی ٹی مسُر لیویز نا ردئٹ چمن نا علاقہ کوئٹہ چمب کسر آ شیلا باغ نا ہند آ اُلاخ اس تدینی نا گواچی مس۔
لیویز کارندہ آتا ردئٹ ترندی ئٹ ہِننگ نا سوب آن اُلاخ کڈ ئٹ تما ہراڑان 5 بندغ مرگ ئنا گواچی و 10 ٹپی مسُر، ٹپی مروک و جون تے اسپتال آ سر کننگا، داسکان ٹپی و بیران مروک آتا چاہنداری پاش کننگتنے۔
ایلو پارہ غان ڈیرہ بگٹی ٹی ڈکوخ ڈیم ئٹی اسہ ورناس ٹُبیسہ مرگ نا گواچی مس ہرانا چاہنداری احمد ولد استاد بامی بگٹی نا پِن آن مسُنے۔