کوئٹہ پریس کلب نا مون آ زوراکی ئٹ بے گواہی تا برخلاف وائس فار مسنگ پرسنز برانزی کیمپ اینو 5154 میکو دے برجاء مس۔
دا وختا زوراکی ئٹ بے گواہ راشد حسین نا لمہ حب چوکی آن بریسہ برانز ئٹ اوار مس، چناء نا رکھوک یلہ کننگ نا خواست کرے۔
او پارے کہ او تینا چناء نا رکھوک یلہ مننگ کہ انصاف فراوان کننگ کہ جوڑوکا ادارہ تا درغ تے ٹک ٹکیفسہ بننگ اٹ۔
راشد حسین نا لمہ پارے کہ ولے کس دا خواتو کہ اودے ملکی قانود نا رد ئٹ انصاف فراوان کننگے۔ او اسہ وار ئس ولدا خواست کرے کہ اودے اونا بے گواہ آ مار ئنا باروٹ معلومداری تننگے۔