نظم
جند ندر پھلی شوکت نا پن آ
شاعر: بہرام بلوچ
جغر تروکا فیصلہ نا
نا پھل شنکی کروکا توکل
است تروکا نا گامک
ہیناری ءِ دروکا نا خیداک
خضدار انت اینو تیوہ ڈیھ ءِ
دا ڈغار ءِ استانے دا
گمر ءِ نے آ،
خاخر نا نیام ئٹ تولوک وختس
شون تسوسہ دیوانے شور ئٹ
بناء گپ ءِ ایسر ہم جنگ آ
کریسہ نی بیرہ ہیت جنگ آ
اے پارود نا بٹ آ تئے تولوک
تولوک تنیا، کریسہ ٹَک چڑہ
کہ چوہ ہنون جلہو ئسے کن
و سر سہب ولدا برون ہراتم
گلو بالی نا احوال و دمال آتون
بریرہ چوختس یاد اے کیفیت آک
دوتے خفتا پاسو آ درسہ
است ئنا درپہ غاتون پاوہ امان
امان امان تینا زند ئٹ دنو نرپاد خنان
گلان ئٹ مرگ ءِ خمب خلوکا
چوہ رسینگا نا احوال کیمپ ئٹ
درشان کیو امر ہمو کیفیت ءِ
کہ اسہ ساہ ئتون تیوہ جون آن
خیدس دنو وہا، گوڑہنگار غٹ
غٹ پاریر کٹا شوکت
کٹا شوکت سنگت آتے غٹا
یعنی تینا پھل آ جرنل نا
رند آتے پٹا خنان
دنو بخت کس ءِ مرے
کہ ایڑے جند ندر آتا
سر مچنڈ آتا دیوان ئٹ
مریر جرنیل نا بوپ آ