نظم: بش مریو پدا
شاعری: نعیمہ زہری
دا وڑ اف کہ غزہ ءِ خنپرہ
ای یوکرین نا دڑد ءِ ہم خنیوہ
فلسطین و بوسنیا نا اندوہ تے خنیوہ
است ٹرخِ ءِ جغر کپے بس دڑدان دوی ننا باٹی
بلوچ نا چناک ءُ چوری نا است ئٹی
لغور تا چانکر و ُشرّنگ ءِ خنیوہ
تینا بلوچ فرزند آتا ہرفنگ ءِ اُریوہ
لمہ نا سینہ غاں، باوا تا اُست تیا
ہیڑ ءِ مون آ
و ای امر کشمیر کن اوغیو؟
فلسطین نا چناتے کھل خنیرہ،
دا ام چانہ اینو عرب خاچانے
کیرہ بیوپار و سوداگری،
چین تون سودا نن تون وردی گری
ولے ای!
داسکان مسلمان ئسے اُٹ
اوغوئی تو ارے کنے اوفتے کن
کشمیر و عرب نا ڈکھ و دڑد کن
بینر ارفنگ و ریلی کشنگ فرض ءِ کنکن
اندنو ناخدا زوراک کن،
است کشوکو بِدر و بدوا کن
کنا بازار نا بندی، کَسِفِنگ و بے واھندی
لُٹّ و پُل، لَٹّ و کُٹّ،
درد و ڈکھ اونا اگہ اف،
گڑا ای سوال کیوہ
دا امرو انصاف ئسے؟
دا امرو خل و میزان ءُ؟
دا امرو دین و ایمان ءُ؟
دا امرو خواہش ئسے یزدان نا؟
کہ تینا جبین نا درد اُروئی اف،
خنیو لاش ءِ، اوغوئی اف،
انتئے کہ اسلام نا قلات نا خواجہ غاکو
ناخدا، زوراک، ظالم بندغاکو،
زمین و زند نا بھلاکو،
انصاف و منصف نا اشرافو
توفک و تفنگ بردارو,
ہرا نا پیھنگ ہچ اف اوفتے کن
شرف و پیر غاتے کیرہ پامال
کیرہ زند ءِ خوشنگ ءِ جنجال
بلے ای مسلمان ئسے اٹ
درد و ڈکھ آتے، نا کارستا تے خنیوہ
ماتم کپرہ تینا قبر نا راہ آ اجازت افک
بس سم ئس مریو، عزاب و جواب ئس اندونو
خرین مریک ای پاوہ باز او
گروک ئسے آن پد ہورہ آن بار تمیو
بس نی اُرک!
بس داسہ بش مریوہ
ماہ رنگ تون
صبیحہ، شلی تون اوار
بش مسونے پدا سمی ئسے
راہشون مریک ماہ رنگ گلیں
لمہ باوہ نا ارمانک اوڑتون اوار
خواہش اس ارے زیباؤ دا
گلباگ ئس مروئے پھل وطن نما، ننا
ولے!
بسونو دڑد و ڈکھ
زند نا امتحان و اندوھ باز
ئسے وار پدا، زند نا رژنا ءُ وخت اس برو
اسے خواہش ئس پوسکنو
است اٹ بسونے ہشکنو
بس نی ھرک کہ بش مروئے ولدا پدا
بالاچ نا شکل ءِ شاجی صبغت ئس
ماہ رنگ نا شکل ءِ گل بی بی ئس