عمان نا بنجاہی شار مسقط ئٹ پولیس نا ردئٹ اینو اسہ مسیت ئسے آن خڑک سم کاری نا سوب چار بندغ مرگ ئنا گواچی اندن کیہی بندغ آک ٹپی مسر۔
حوال تروک ادارہ اے ایف پی نا ردئٹ رائل عمان پولیس اسہ بیان اسیٹی پارے کہ اوفک ’الوادی الکبیر نا علاقہ ئٹ اسہ مسیت ئسے آن خڑک سم کاری نا تدینی نا سوب جوابی کارروائی کرینو۔‘
فورسز آک بنائی وڑئٹ دے ٹکی مسقط نا اسہ مسیت اسیٹی چار بندغ نا مرگ و کیہی تا ٹپی مننگ نا حوال تسنو۔
چاگڑدی حوالکاری تلہ ایکس آ پولیس نا اسہ بیان اسیٹ پاننگا کہ ’حالیت تون مون تننگ کن غٹ المی رکھوک گامگیج و وڑ و ڈول آتے کاریم ئٹ ہتنگانے و کوالخواک تدینی نا سوب آتے پَٹنگ کن شاہدی مُچ کننگ ءُ اندن دا بابت پٹ و پول برجاء ءِ۔‘