بلوچستان بیوس
کنا تو پن بلوچستان بیوس
کروءِ کنکہ پا ارمان دیرَس
کنے جن مادری نا غمک کُنگُر
کناءِ کَٹیا کُل کیرہ او چَس
برک نے راسکو آ دیو ارِّف
گچینا رنگ نا سوزا امر مس
چڑہ مورینک نا ماتن کناءِ
کنے لتاڑسا او کار پاپس
نہ بجلی گیس نئے کہ دیر کنتو
اَرا سے غم اَرا اف کنتو ویلس
کروناءِ کنے چَٹی کریرک
رقیباتے کنا مولا خَلے بَس
کنے خیسُن تا خواجہ پارہ لیکن
ہتے ایتے کنے حقءِ کنا کس
ظہوری حقنا ایتے کروکا
کنا ایلم نا افک انتکہ ڈس
ظہورصدیقی
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔