ضلعی انتظامیہ کھٹیا خور آتا خلاف سخت کاروائی کے ۔ شاری تا خواست
بلوچستان نا دارالحکومت کوئٹہ ٹی اسے توہ نا تہٹی سبزی تا نرخ آتیٹی 20 آن الیس 30 فیصد اسکان ودکی مس۔
کوئٹہ ٹی پرائس کنٹرول کمیٹی نا کاریم کپرنگ نا سوب آن کھٹیا خور آک سبزی تے ہم کبین کریر۔ مٹر نا کلو 200 روپی، بھینڈی 150 آن 200 روپی کلو، توم و ادرک 250 آن 300 روپی کلو ٹی دوئی مننگو۔
داڑان بیدس ٹماٹر و پیماز نا نرخ آ تیٹی ام ودکی کننگانے۔
نرخ آتیٹی اسے جہی مفرنگ نا سوب آن ہلوک آتون اوار دکاندار آک ہم فریشان ءُ۔ دکاندار آتا پاننگ ءِ کہ پیٹرول ارزان مسونے ولے پیٹرول پمپ آک بند ءُ، پیٹرول کبین ملنگ ءِ ہرانا سوب آن سبزیک ام کبین ملنگ ءُ۔
شار والاک خواست کرینو کہ کہ ضلعی انتظامیہ کھٹیا خور آتا خلاف سخت کاروائی کے و پرائس کنٹرول کمیٹی آن کاریم ہلے۔