بلوچستان نا علاقہ خضدار و نوکنڈی ٹی مروکا ویل آتیٹ پنج بندغ ٹپی مسونو۔
بلوچستان ضلع خضدار ئٹ ضلعی متمم جنگلات اولیس اکبر توفنگ آن سم لگینگ نا سوب آن بھاز ٹپی مسونے۔
گیشتر حوال تا رد ئٹ خضدار جنگلات نا ضلعی آفیسر اولیں آکبر توفنگ ءِ صاف کریسہ سم لگینگ آن بھاز ٹپی مسونے، اودے سم نت ئٹی لگانے۔ خضدار ٹیچنگ اسپتال آ سرکننگ آن گُڈ او دمدستی وڑ ئٹ کراچی رادہ کننگانے۔
پین احوال ئسے نا رد ئٹ نوکنڈی سڑک نا ہند آ گاڑی نا ویل اٹی چار بندغ ٹپی مسونو۔
گیشتر حوال تا رد ئٹ کوئٹہ تفتان سڑک نا ہند آ گاڑی ویل ئنا گواچی مس ہراڑان ڈرائیور تون اوار چار بندغ ٹپی مسونو، ٹپی آک ہسپتال سرکننگار اندن ڈرائیور نا حالیت ءِ گڑتی ٹی پاننگ ءُ۔
حوال تا رد ئٹ گاڑی دالبندین آن تفتان آ ہننگ مسوسس۔