بلوچ اسٹوڈنٹس ایکشن کمیٹی نا بنجائی چیئرمین ڈاکٹر نواب بلوچ، مرکزی ڈپٹی جنرل سیکرٹری خالد بلوچ، شال زون نا جنرل سیکرٹری نزر مری و ایلوفتون اوار کوئٹہ پریس کلب ئٹ پریس کانفرنس کریسہ پارے کہ تنظیم نا ارٹمیکو بنجائی کونسل سیشن بیاد پروفیسر رزاق زہری بنام بیگواہ راہشون فیروز بلوچ مارچ نا توہ ئٹ کراچی ٹی اڈ تننگ مرو۔
او مونی تینا خیال آتا درشانی کریسہ پارے کہ بے بختی ءِ کہ بی ایس او نا اولیکو دے آن پننگ و پرغنگ نا آماچ مریسہ بسونے اندا غٹ ویل آتون اوار خوانندہ غاتا ویل آتے مونا تخیسہ سنگتاک بلوچ اسٹوڈنٹس ایکشن کمیٹی نا بنماد ءِ تخار، و ہموئی جہد دائسکان برجا ءِ ہراٹی نن بھلو کچ اسیٹی سرسہب مسونن۔
او مونی پارے کہ بلوچ اسٹوڈنٹس ایکشن کمیٹی نا غٹ آن بھلا مسخت اندادے کہ بلوچ ورنا و خوانندہ غاتا ویل و خوندی آ حق آتیکن توار توار ارفنگ تون اوار اوار بلوچ نیشنلزم ءِ مونی دننگ و بلوچ خوانندہ و ورناتیٹی نیشنلزم نا جوزہ ودی کننگ ءِ۔
احوالکار آتا اسہ سوج اس ہرا سنگل بی ایس او نا بابت اس اونا ورندی ءِ تریسہ پارے کہ ننا ام است خوائی ارے کہ اسہ بی ایس او اس مرے ولے داڑے سنگل بی ایس او و سنگل پارٹی نا ہمے وختان است خوائی تخانو ولے پورو متنو، امیت ءِ کہ دا است خوائی تے پورو کننگ کن نن نم غٹ اسہ وڑ جہد کینہ۔