حوال تا رد ئٹ بولان نا علاقہ پیر غیب نا خڑک بھلا روڈ آ مسافر کوچ و مسافر ویگن نا ڈک لگنگ نا سوب آن مسہ بندغ بیران مسر اندن بیست و شش بندغ ٹپی مسونو، ویل ئنا حوال رسینگ آن گڈ لیویز فورس و ریسکیو ٹیم آک سبی و ڈھارڈ ہسپتال ٹی ایمرجنسی خلکر۔
پیر غیب نا ہند آ مروکا روڈ شکست ٹی ٹپی مروکا بندغ آک ایمبولینس ئٹ مچھ و ڈھاڈر ہسپتال سر کننگار۔ ٹپی مروک آ بندغ آتیٹ نیاڑی و چنا ہم اوار ءُ۔
دافتیان بیدس بختیار آباد نا خڑک بھلا روڈ آ مسافر کوچ نا اسہ پیر ءُ بندغ ئسے ڈک خلینگ آن پیر انگا بندغ بھاز ٹپی مس، ٹپی مروک آ بندغ بختیار آباد بی ایچ یو آ سر کننگا ہراڑے دوا درمان مننگ آن گڈ سبی سول اسپتال آ رادہ کننگا، ولے ہسپتال آ سر مننگ آن مست کسر ٹی ساہ تس ہرانا چائنداری مننگ کتو اندن خاہوت نا سر و سوج برجاء ءِ۔