بلوچستان نا ضلع خضدار ئٹ جھالاوان ادبی کچاری نا پارہ غا زیرو پوائںٹ خضدار ٹی ہڈ تننگا۔ مشاعرہ مجلس نا کماشی ءِ جھالاوان ادبی کچاری نا وائس چیئرمین حافظ طاہر ایاز فاروقی کرے۔
گچین آ مہمان شاشان ادبی دیوان نال ئنا صدر مہر زاہد نالوی ئسک۔ مجلس نا مہہ تلاوت ءِ کلام پاک آن مس ہرانا شرف ءِ منظورعادل دوئی کرے۔ تلہ نا ذمہ واری تے جھالاوان ادبی کچاری خضدار نا جوائنٹ سیکرٹری غنی انجم دوئی کرے۔
مجلس ئٹی بشخ ہلوکا شاعر ادیب آتیٹ طاہر ایاز فاروقی، مہر زاہد نالوی، اشرف ادیب، شاہین براہوئی، عبید صحرائی، شاد نالوی، خلیل تابان، شاہجان عجیب، غنی انجم، وحید غمخوار، رشید احمد رشید، فاروق احمد، ڈاکٹر حمید زیب اوار ئسر ہرا تینا خیال آتا درشانی تون اوار شاعری تے بنفیر۔