ناوٹ بیریل
پوسکونو لہجہ ئسے نا اسرائیلی شاعرہ
احمد سہیل | سمیہ بلوچ
چل و پنج (45) سال ئنا عبرانی بولی نا اسرائیلی شاعرہ ناوٹ بیریل نا باوہ لمہ لیبیا آن لڈ و ہنپ کریسہ اسرائیل آ بسر، او اسرائیل نا جنوبی ساحل نا اسہ شار “اشک نازی ” { ASHKENAZI} ٹی و ودی مس، و بنجائی عبرانی رواج نا وڑ ئٹ اونا ودشت مس، اونا چنکی و پوسکن ورنائی فروٹ نا درخت آتا نیام ئٹی اسہ پیہن ءُ اُرا اسیٹی گدرینگا، اونا اسہ ایلم ۱۹۷۳ نا “یوم کپور جنگ” ٹی خلینگا، داسا اونا لمہ باوہ کذیت کرینو، اونا ایلم نا مرگ نا بھلو زیم اس اونا شاعری ٹی لگیک، او تہذیب و رواج آتیا سوبری وڑ ئنا سوج ہم ارفیسہ بسونے۔
ناوٹ بیریل اسہ جاگہ آ تینے ڈھکنگ و ادبی ٹولی ئسے نا بشخ مننگ ٹی بھاز خیالدار مسونے، اودے احساس مسونے، عبرانی ادبی تاریخ ٹی ہر وخت کماش ئسے نا کمک ئٹ مونی ہنوک گڑاس شعرا تا ادبی ٹولی مسونو، اونا پاننگ ءِ “ای خیالدار اٹ کہ کس ئسے نا میز آ تولپبو، ہر اسٹ کنا سنگت ءِ و او کنا کاریم ءِ شینک کرینے، ولے داسا تقریبا خاص وڑ ئٹ میٹم ٹی شینک مریرہ، ایڈیٹر یزتک اندا زوت ئٹ کنے لاؤر ٹی اسہ پڑ اس تس۔ اوڑ تون اوار ہیت و گپ ہر وخت نتیجہ تروک مسونے۔ “
ناوٹ بیریل اسہ ربیدگی اسرائیل نا اسہ ” گوریلا” پنی ءُ ٹولی اسیتون اوار مسونے ہرا شاعری و زیمل نا ردئٹ چاگڑدی و سیاسی جدوجہد ءِ مونی دننگ ٹی کاریم کننگو۔ مثال نا وڑ ئٹ غزہ ٹی کاسٹ لیڈ آپریشن نا برانز تون اوار اسرائیل نا تیوہ آتیان زیات غریب جنوبی بشخ آ دانا زہم کن دا گروپ نا باسک آک تل ابیب ٹی اسہ عیش و نوش آن پُر ہندی اُرا تا منصوبہ اکیروف ٹاورز نا مونا اسہ شئری تولنگ برانز اس کریر، ہرا وخت وزیر دفاع ایہود بارک نا ارا آ پر و یروہیم ٹی برانز کروک آ آکرسٹین ٹائل فیکٹری نا باسک آتے ہم اوار کرے۔
ناٹ بیریل نا پاننگ ءِ کہ ہرا وخت او راستی تون مون پہ مون مریک گڑا سرپد مننگ خوائسکہ کہ شاعری نا انت ماریک۔ “کنے لگیک کہ شاعری راستی اسیتون ماخوذ ءِ۔” او ہارٹیز ءِ پوو مریک۔ “وخت وخت دا سرپد مننگک کہ شاعر و صحافی اوڑتون اوار اسہ دروازہ آ سلیر و گلی نا بندغ آتیکن شائری خوانیر، ولے بھاز وخت اوفتا ساندہی و مر ئنا طبیعت کنے فریشان کیک۔ واہم، اندا چیدہ وخت وخت شاعری نا خواننگ کن کنے باقاعدہ پو مریک و راستی آن جتا مریک۔
برانز نا شاعری نا بابت ٹی او پارینے، “کس ئسے خیالدار مروئی ءِ کہ او خود پرستی نا درشانی کپ۔ و برانز نا شاعری کنکن ہشت درجہ بھاز سخت ءِ، ای لاؤر افٹ و نہ ای ویزلیٹیر یا رویوکو اٹ۔
ناٹ بیریل تینے ہم اسے نیاڑی شاعر آتا زنک ئنا باسک مننگ نا حیثیت ئٹ گچین کیک: اونا پاننگ ءِ کہ “ای اسہ ٹولی ئسے نا ہم ہیت کننگ کپرا کہ او بھاز انفرادی ءُ۔ تیان پٹ و پول ٹی ای ہم اسہ شاعرانہ کڑمبی اسیٹ پیہنگ ءِ گچین کیوا، تاریخی ردئٹ اسہ ادبی جہان ئسے نا دیمرئی ءِ اربو، دانا رد ئٹ لامحالہ اسہ شیف تلہ نا ہیت ئسے، نم خلا ٹی اشعار نوشت کپیرے ، نم رواج آ باور کیرے۔ “
ناوٹ بیریل شاد و سوف نا علامت آتے بھلو لائخی اسیتون تینا شاعری ٹی مُچ کرے۔ ہرا ٹی سیالدری و چاگردی حس تا ہنینی شاغوک ءِ۔
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔