تغ اس – قمبر زہری

تغ اس

نوشت: قمبر زہری

دی بلوچستان پوسٹ

سُہب ئنا اولی پاس ئس اسے ہنین ءُ توار اس بننگ ئسک، اُست ئنا درپہ زیات مرسہ ئس، توار ئٹ پاریسہ ئس اینو نا دے ئسے اخس بھاز ہنین ءُ، زیباو جھمّرک آسمان ئٹ لہے کننگ ءُ، چُکاک پین زیات زیبائی بشخنگ ءُ۔ آسمان ءِ پُڑی پُڑی پُڑینکاک ڈغار آ تمّیسہ ءُ، بوچ پن پن رخت آک مش تلار آک ہندن بشخندہ ءُ۔ سوہندہ شاموز پیمازی شارے مچّا مہرمابت تریسا ٹاکو خلننگ ءُ ہر اُرا خلق ئٹ پیر ورنا چُنا بھلا لُمّہ ہیڑک لاڈے لڈے پاریسہ لُمّہ دھرتی نا ہر بوچ بوچ چیل چُر مَش تلار سُہب شام ءِ وطن کن ساہ تروکا ہر لُمّہ ہیڑ مار باوہ سنگت دلبر ءِ موارکی تریسہ نازیفسہ آجو موارک آجو موارک آجو بلوچستان آجو بلوچستان۔

ای خوش مریسہ ٹاکو خلیسہ کاو دلجان ءِ بارگ ءِ دلوش ءِ، نثار ءِ حیّو ءِ شیرا ءِ امیر ءِ، فتح ءِ ریحان ءِ باوہ اسلم جان ءِ موارکی ایتو۔ ہنداڑتون تُغ آن ہجم کریٹ بش مسوٹ ہمو ای اوٹ دائسکا غلام آ ہمو غلامی نا تغ ٹی اٹ۔ ہمو بے سما غا راج ءِ ہمو میر ٹکر سردار خان ہمو پنجابی نا نواب ءِ ہمو ہیڑک سڑک آتیا در پدر ہمو لُمّہ داسکا مارئکن اُروک…!