بلوچستان نا علاقہ بولان و ضلع کیچ نا بھلا شار تربت ئٹ پاکستانی فورسز آتیا بمب جلہوک کننگار ہرافتیٹ فورسز آتے جانی نقصان نا حوال ءِ۔
حوال آتا ردئٹ اینو بولان نا علاقہ پیراسماعیل ٹی نادرست بندغ آک پاکستانی فورسز نا پیادہ کارندہ تا کسر آتا بمب اس تخار ہرا کارندہ آتیا ترخسہ نسخان تس۔ جہلو نا ذمہ واری ءِ بلوچ آجوئی خواہوک سلاء بند تنظیم بلوچ لبریشن آرمی ارفے۔
بی ایل اے نا احوالکار جیئند بلوچ تینا اسے بیان اسیٹی پارینے کہ ننا سرمچار آک بولان نا علاقہ پیر اسماعیل ٹی پاکستانی سیکیورٹی فورسز نا کارندہ غاتے جہلو کرینو ہرانا سوب آن اِرا فوجی کارندہ کسکنو۔
او مونی پارینے کہ ننا سرمچار آک ہمو وخت آ فوجی کارندہ غاتے آئی ای ڈی جہلو اٹ ٹک کریر ہرا وخت آ دا فوجیک کُن خور کن چیک پوسٹ آن شیف بننگ ئسر۔
جئیند بلوچ نا بیان نا ردئٹ دا جہلو آن پد سرمچار آک دشمن فوج نا ساز و سامان آتے تینا کوزہ ٹی ہلکنو۔
اندن درو تربت نا علاقہ آبسر بازار ٹی پاکستانی فورسز نا گاڑی آ چغلی بمب ئٹ جلہو کریر۔ دا جلہو نا ذمہ واری ءِ ہم بی ایل اے ارفے۔