رسینگوک حوال تا رد ئٹ کورونا وائرس آن پاکستان ئٹ پین88 بندغ مرگ نا گواچی مسونو ہراڑان گڈ کہوک آتا کچ 20 ہزار 177 مسونے۔پاکستان ٹی کورونا نا پک مروکا کیس آتا کچ8 لکھ 97 ہزار 468 مسونے۔
نیشنل کمانڈ اینڈ آپریشن سینٹر پاننگ ء ِپسکونا اساب نا رد ئٹ تدوکا 24 سائت ئنا نیام ئٹی 4 ہزار 7 پسکونوکیسز رپورٹ مسونو۔
اندن پنجاب ٹی 3 لکھ 33 ہزار 57، سندھ ئٹی 3 لکھ 6 ہزار 707، خیبر پختونخوا ٹی اسہ لکھ 29 ہزار 13، بلوچستان ئٹ 24 ہزار 413، گلگت بلتستان ٹی 5 ہزار 471، اسلام آباد ٹی 80 ہزار 156 آ ندن آزاد کشمیر ٹی 18 ہزار 651 کیسز رپورٹ مسونے۔
گیشتر حوال تا رد ئٹ پاکستان ٹی اینو آن ویکسی نیشن نا پوسکنا لڑ بناء کننگانے، این سی او سی نا رد ئٹ 30 سال آن زیات عمر نا بندغ آتا ویکسی نیشن بناء کننگانے۔ اندن 30 سال آن زیات عمر نا بندغ آک تینے رجسٹر کیر، تینا شناختی کارڈ نمبر 1166 آ ایس ایم ایس کیر۔