بلوچ نیشنل ازم – میرین زہری | سمعیہ بلوچ

الّمی خوانبو

رخصت اف – مرید بلوچ

مزاحمت زند ءِ ’’ای، ہمو ہراکہ جہانی امن ئنا ٹیکی ءِ دوئی کرینٹ، مونجائی تون انداسرپد مریوہ کہ بیدس تشدد...

بلوچ سلہہ بند تنظیم تا کروکا گڑاس فیصلہ تا جاچ __میرین بلوچ

جنگ اٹ ہچبر رحم مفک بلکہ جنگ ءِ نفسیاتی پڑا کٹوئی مریک جسمانی طاغت آن زیات نفسیاتی طاغت جنگ...

تاریخ نا پنہ غاک (چارمیکو بشخ) | خان خدائیداد خان – محبوب شاہ

تاریخ نا پنہ غاک (چارمیکو بشخ) خان خدائیداد خان نوشت: محبوب شاہ دی بلوچستان پوسٹ - براہوئی کالم 1896ء اٹی(No.7) و 1870ء...

بلوچ نیشنل ازم

نوشت : میرین زہری | مٹ: سمعیہ بلوچ

دی بلوچستان پوسٹ

تیوہ آتیان مست دا سرپد مننگ کہ تینٹ نیشنل ازم ارے و جہان نا ئٹ فیصد راج آک نیشنلسٹ ءُ ہرا تیا راج آتون دوستی و تینا راج ءِ چائنگ ء ِتینا کننگی آن راج دوست اس پاننگیک و دافتیٹ گواچنی نیشنلزم ہرادے، داٹی ہچ ءُ شک ئس اف کہ منہ بندغ ءِ ہلیسہ جہان نا تیوہ آ بندغ آک تینا چائنگ کن اسہ ڈیہہ،اسہ راج و بولی آن کیرا، و ہمو خاص بندغ آن بیدس ہرافک کہ تینا راج، ڈیہہ تون دوستی کیرا، تینا چاہنداری ءِ برقرار تخیرا او نیشنلسٹ پاننگیرا۔

ولے داڑے ای  بلوچ راج دوستی نا احوال ءِ توٹ انتئے کہ بلوچ سیاسی چاگرد ٹی نیشنلزم آن بیدس ایلو اسہ ازم اسیکن ہم ہچ ءُجاگہ تخپک، بلوچ نیشنلزم ءِ بلوچ راج راجی نجات نا وڑ ئٹ اُریک، وختی حالیت نا رد ئٹ  داڑے بھاز آ  ازموں تے کاریم ٹی مونا تو اتیرا، ولے تیوہ آک وختی سلیرا، بلوچ فطرتاً راج دوست ذہن نا تخوک چاگرد ئسے، و بلوچ راج نیشنلزم بلوچ نا وجود اونا ربیدگ، بولی زند کننگ نا  وڑ و ڈول آن ودی مسونے، ہرا بھاز آ وڑ آتیٹ ایلو راج آتا نیشنلزم آتیان جتا مسونے۔

جتا امر؟
بلوچ نیشنلزم ہچ ء ُوڑ اسیٹ  بےدادی دوست اس متنے، نہ ہچ ءُ وخت اس تینا ہمسایہ ملک آتیا جہلو کریسہ اوفتون دژمن داری نا درشانی ء ِکرینے بلکن بلوچ راج ہر وخت تیناڈیہہ، تینا سیم  آ مریسہ بیرہ تینا  ڈیہہ و راج ئنا رکھ ءِ کرینے، بلوچ ہچ وخت اسہ راج ئسے آ ہم یا اسہ سلطنت ئسے آ کوزہ گیر یا لٹ و پل نا غرض ئٹ جہلو کننگ نا کوشست کتنے و بلکن بلوچ راج ہراڑے ہنا ہندی مس، تینا بولی ربیدگءِ مسلط کننگ نا جاگہ آ ہمو جاگہ نا بولی و ربیدگءِ تینا کرینے، اندن کہ داسا عرب ملک آک مریر، افغانستان، سندھ، بلوچ ہراڑے ہم مرے ہمو راج ئنا چاہنداری ءِ تینا کرینے۔

بلوچ نیشنلزم ٹی مذہبی شدت پسندی یا دینی بےدوستی ہچ وخت بخیر کننگ تنے، ہرانا پاش انگا شاہدی بلوچستان ٹی تیوہ آ مذاہب تا تینا عبادت کروکا جاگہ ٹی بے خلیس تینا مذہبی فرض ءِ کننگ و بلوچ ڈیہہ آ ہندو، عیسائی، شیعہ، پشتون ہر رنگ ئنا راجی زنگ یا مذہبی بنماس آ اختلاف تخیک یا راجی دوست پروگرام متنے،حالانکہ بلوچ آک تینا ڈیہہ ئٹی ایلو راج آتا و مذاہب تیا مروکا ہر بےدادی تا بر خلاف کرینو۔

راج دوستی ءِ زنک دوستی تون اوار کروکاک اخس فیصد راست ءِ، بلوچ راج ءِ داڑان غرض اف، بلوچ راج دوستی و ایلو جہان راج دوستی ٹی پاش انگا فرخ ہر وخت مسونے و بلوچ راج ہر وڑ ئٹ ہم تینا سوسائٹی ٹی زنک دوستی ء ِمونے دننگ نا ہر وخت برخلاف مسونے،ساڑی وخت ئٹ بلوچ نا چاہنداری تینٹ جہلو کروکا تا دک ئٹی ءِ، اوکان بیدس بلوچ نیشنلزم تینا رواج ءِ زندہ تخیسہ بیرہ تینا راجی رکھ ءِ کننگ ء ِو دا وڑ ئٹ اسہ آجوءُراج ئسے آن بار بلوچ راج دوست آتیان امیت تخیک نا انصافی ئسے ولے واپس ہم  ہر حالیت ئٹ بلوچ راج دوست آک  کس ئسے ڈکھ تیتنو۔

ای تینٹ اسے راج دوست خوانندہ ئسے اٹ، کنا راج دوست مننگ نا سوب کنا تینا ڈیہہ ئتون چاہنداری و دوستی ءِ، دانا چھپ نوآبادیاتی بند و بست ننا راج ءِ اخس دیمروی تیان زیمی کرینے ولے تاریخی خواننگک و بلوچ نیشنلزم نا تاریخ پاش کیک، کہ بلوچ نیشنلزم گواچنی بندغ دوستی برابری و دیمروی دوست نا پروگرام ءِ و بلوچ مزاج ٹی اسہ بیگانہ ازم ءِ جاگہ تننگ نا کوشست بیرہ وختی بےسہبی ءُ کوشست و تینا انرجی ایسر کننگ ڈول ئسے۔

ننا گڑاس اہل دانش پاننگوک آک و کنا گیڑاس سیاسی دوست آتیان ہر وخت گلا مسونے کہ راج دوستی زنک دوستی مریک، و ہرا تینٹ زنک دوست افس اوفتکن اسہ سنگت نا وڑ ئٹ بیرہ انداخس پاروٹ کہ ہرا  ازم نا نم پاسدار مننگ نا دعویٰ کیرے اونا ودشت ہرا ڈیہہ آن مس تیوہ آتیان مست ہمونگ ہنبو امو راج آتا حالیت ءِ اُربو کہ او ہرا وڑ نمے تروک آ نظریہ غاتا پاسداری کننگ ءُ بیرہ کتاب آتیٹ چار لائن خواننگ آن راست پاش مفک-

کنا اوفتکن صلہ ء ِکہ بلوچ نیشنلزم ءِ کس آن بننگ نا جاگہ آ تینٹ اودے خوانیر و اودے تینا  داپار ہپار  محسوس کیر، یخیناً نم ہرا پٹ و پل ئٹی اُرے او نما تینا  راج دوستی و بلوچ نیشنلزم  نما بروکا وخت ءِ، برابری و جوانی نا جوان ءُ وڑ ئسے ۔


دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔

پُوسکنا حوالک

دے کہی بلوچستان: پنی ادیب ایوب ایوبی کورونا نا سوب آن کذیت کرے

پنی آ ادیب ایوب ایوبی ایران نا صوبہ ھرمزگان نا شار گمبرون (بندرعباس) نا ہسپتال ئٹ کورونا نا سوب...

تربت: بجلی نا مفرنگ آ مخلوق نا برانز مچی

بلوچستان نا ضلع کیچ نا بنجائی شار تربت اٹ بجلی نا نیستی نا خلاف مخلوق نا برانز و مچی۔ حوال آتا رد اٹ کیسکو نا...

کراچی ٹی چینی انجینیر تیا سلاء بند جلہو

چار شمبے نا سہب نادرست سلاء بند بندغ آک سندھ نا بنجائی شار کراچی ٹی غیر ملکی رہینگوک آتیا سم کاری کریر، ہرانا سوب...

بلوچستان جتا تدنیی تیٹ 7 بندغ مرگ نا گواچی، و بھاز آک ٹپی 

بلوچستان نا علاقہ، خضدار، کوئٹہ، و اوتھل ئٹ جتا ویل آتیٹ 7 بندغ مرگ نا گواچی و بھاز آک ٹپی مسونو۔ حوال تا رد ئٹ...

کوئٹہ ہزار گنجی ٹی تراک نا ذمہ واری بی ایل اے ارفے

بلوچ لبریشن آرمی تدوکا دے بلوچستان نا دارالحکومت کوئٹہ ٹی مروکا بمب تراک  نا ذمہ واری ءِ۔ تراک درو سہب نا وختا ہزار گنجی...