پاکستان: خیسن نا نرخ پین زیات مس

تیوہ پاکستان ئٹ اسہ تولہ خیسن نا نرخ ئٹ اسہ وار پین 200 روپی نا ودکی ریکارڈ کننگا۔

گیشتر حوال تا رد ئٹ بین الاقوامی مارکیٹ ئٹی اسہ اونس خیسن نا نرخ ئٹ اسہ ڈالر نا کمی مس و عالمی بازار ئٹ خیسن نا اسہ اونس نا نرخ 1903 ڈالر مس۔

عالمی مارکیٹ ئٹی نرخ آک کم مننگ آ ہم پاکستان نا صرافہ مارکیٹ آک لاہور، کراچی، اسلام آباد، پشاور، کوئٹہ، حیدرآباد، سکھر، راولپنڈی، گوجرانوالہ تون اوار ایلو جاگہ تیٹی اسہ تولہ و دئے گرام خیسن نا نرخ ئٹ 200 روپی و 172 روپی نا دوکی مس۔

نرخ آتیٹ دوکی نا سوب آن اسہ تولہ خیسن نا نرخ 1 لکھ 21 ہزار 300 روپی دئے گرام خیسن نرخ 69 ہزار 280 روپی مس۔ داسکان چاندی نا اسہ تولہ و دہ گرام نا نرخ آتیٹ استحکام ریکاڈ کننگا و پوسکنا نرخ آک 1480 روپی و 1268.86 روپئی نا زی آ برقرار ء۔