چار غم دا وار الکُٹ
آن تینکہ یار الکُٹ
ای کفن سودا کریٹا
پُچ چٹ بے کار الکُٹ
الکُنٹ سنگت منٹ یار
بے ضمیر او مار الکُٹ
غیر کپک سنگتی اچ
مُفتٹی ای زار الکُٹ
خلق ء تینا داسہ الاٹ
پین جوانو شار الکُٹ
ای گنوک آتا دیارٹ
ہائے ہائے سار الکُٹ
بن کنے خف تو اے سنگت
باغی او کڑدار الکُٹ
خوش مزاج او شاعری کن
شاعر ءِ (ایثار) الکُٹ
روشنی کن یار ذیدی
طوبے او استار الکُٹ
ذید ذیدی
دی بلوچستان پوسٹ : دا نوشت اٹ ساڑی ہیت و خیال آک نوشتوک نا جند ئنا ءُ، دی بلوچستان پوسٹ میڈیا نیٹ ورک نا دا ہیت آتے مَننگ الّمی اَف و نئے کن دا ادارہ نا پالیسی تا درشانی ءِ کیک۔