تربت یونیورسٹی نا لیکچرار بالاچ بالی پاکستانی لشکر نا دو آن زوراکی ئٹ بیگواہی آن گڈ جمعہ نا دے یلہ مریسہ اُرا غا سر مس۔
اودے چار شمبے نا دیگر نا وخت آ یونیورسٹی آن اُراغا ہنیسہ آپسر آن پاکستانی لشکر دزگیر کرسہ بیگواہ کریسس۔
یاتی مرے کہ بالاچ بالی نا زوراکی ئٹ بیگواہی نا برخلاف تربت یونیورسٹی نا خوانندہ غاک و اکیڈمک اسٹاف ایسوسی ایشن یونیورسٹی ٹی برانزی مچی ئس کشاسر، وختس کہ کلاس آتا بائیکاٹ تون اوار ارا دے آن تولوک برانز برجاء ئس۔
اوڑان بیدس بلوچستان یونیورسٹی نا خوانندہ کیچ، ہیرونک نا ہندی شہزاد بلوچ ءِ پاکستانی لشکر درے ننکان سبزل روڈ کوئٹہ غان دزگیر کرسہ زوراکی ئٹ بیگواہ کرے۔