بلوچستان نا سیم آ ساڑی ضلع واشک نا تیوہ آتیان بھلا تحصیل ماشکیل ہراکہ ہشتاد ہزار نا کچ آ تالان ملک ئنا پد ماندہ انگا علاقہ بنماسی زند ئنا ا آسراتی تون اوار اوار بینک آن دو ارفوک ءِ۔
بینک مفرینگ آن سیمی علاقہ نا سرکاری ملازم آک کاروباری حضرات و ایلوفک بھاز سختی تا گواچی ءِ بینک مفرینگ آن علاقہ نا سرکاری ملازم آک دو سد کلو میٹر مر دالبندین یا چار سد کلو میٹر مر خاران آ تنخواہ کیش کننگ کن بیوس ءُ۔
اندن علاقہ ٹی سرکاری و غیر سرکاری بینک نا ہچ ءُ برانچ اف، علاقہ نا سیاسی و چاگردی حلقہ آتا بڑز انگا کوالخوا تیان زوت آن زوت بینک ئنا اسہ برانچ اس ملینگ نا خواست کرینو۔