بلوچستان نا ضلع خضدار نا علاقہ وڈھ ئٹ سلاء بند بندغ آک سم کاری کریسہ اسہ بندغ ئسے کسفیر، تدینی نا بر خلاف خاہوت آر سی ڈی کسر ء بند کرینے۔
کہوک آ بندغ نا چاہنداری ڈاکٹر شیر محمد شیخ مینگل نا پن ئٹ مسونے۔
گیشتر حوال تا رد ئٹ سم کاری نا ویل ہمووخت مونا بس ہراوخت دا بندغ تینا ارا آن بازار کن ہننگ ئس کہ نادرست بندغ آتا سم کاری آن خلنگا۔
اندن دا تدینی نا بر خلاف خاہوت برانزی وڑ ئٹ کراچی نیشنل کسر ء بند کرے۔
داسکان تدینی نا برخلاف تعلقدار بست و بند ئنا ہیت آک مونا بتنو نہ تدینی نا سوب آک سما تمانو۔