حوال تا رد ئٹ تحریک طالبان پاکستان ضلع سوات نا تحصیل مٹہ بالاسور ٹاپ آ تینا اولیکو چیک پوسٹ ءِ خلکنے۔ طالبان نا واپسی آنہندی مخلوق بیم و خُلیس نا گواچی ءِ و حکومت آن طالبان نا برخلاف کارروائی کننگ نا خواست کننگ ئٹی ءُ۔
ہندی بندغ آک دعویٰ کننگ ءُ کہ بالاسور ٹاپ آ اسہ چیک پوسٹ اس خلنگانے، و ایلو علاقہ آ تیٹ ہم طالبان آزات چرینگ آ خننگ مسنے۔
حوال تا رد ئٹ طالبان نہ یکہ بالاسور ٹاپ آ ساڑی ءِ بلکن تحصیل مٹہ نا مَشی آ ہند بار شور، کوز شور، نمل، گٹ پیوچر و ایلو علاقہ آتیٹ ہم بھلو کچ اسیٹ ساڑی اریر۔
حوال تروکا تا پاننگ ءِ کہ تحصیل مٹہ نا مَشی آ علاقہ آ تیٹ طالبان نا کچ ئٹ ہر ہنوکا دے ودکی مننگ ءِ ہرا نا سوب آن ہندی مخلوق ئٹبیم و خُلیس تالان ءِ۔
سوات ئٹ دے پہ دے حالیت آتا خراب مننگ نا برخلاف سوات نا جتا علاقہ آ تیٹ برانز ہم کننگانے ہرا ٹی غٹ سوات آن ورنا، پیر و علاقہنا پنی آ شخصیت آک اوار مسر۔
یاتی مرے کہ تدوکا منَہ وخت آن وزیرستان و خیرپختونخواہ نا ایلو علاقہ آ تیٹ فورسز آ تیا مروکا کاروائی تیٹ ترندی بسنے۔ شمالیوزیرستان ئٹ دو شمبے نا نن فوجی کاروان آ اسہ خود کش جلہو ئسے ٹی چار سکیورٹی کارندہ مرگ ئنا گواچی مسوسر۔
وزیرستان ئٹ فوج آ مروکا جلہو آ تیان بیدس سوات ئٹ دو شمبے نا دے پولیس تون جھڑپ ئٹی ڈی ایس پی پیر سید تون اوار چار کارندہبرمتہ کننگاسر ہرافتے پدا ہندی جرگہ و طالبان نا نیام ئٹ ہیت و گپ آن گڈ یلہ کننگا۔
سوات و ایب کیب ئٹ طالبان نا مننگ نا ہیت آک تدوکا منَہ وخت آن پھیری کننگ ءُ۔ و حکومت نا پاننگ ءِ کہ سوات نا دا خبر آک اسہ کچئسے اسکان راست ءُ ولے گیشتری دا پروپیگینڈہ نا بشخ ءُ۔
عوامی نیشنل پارٹی نا سروک ایمل ولی خان نا پاننگ ءِ کہ سوات تون اوار پختونخوا نا ایلو علاقہ آ تیٹ دہشتگرد آتا ساڑی مننگ ناشاہدیک مونا بسنو، پاش انگا شاہد آتا ساڑی گری ٹی آئی جی نا اوفتا ساڑی مننگ آن نمن سمجھ آن پیشن ءِ۔