اوغانستان نا بنجائی شار کابل ئٹ اینو سہب ئنا روسی سفارت خانہ ءِ خود کش جلہو ئٹ ٹک کننگا، ہرا ٹی اِرا روسی سفارت کار توناوار پین 20 بندغ نا کہنگ نا حوال ارے۔
کابل پولیس نا رد ئٹ جلہو کار سفارت خانہ نا درگہ نا خُڑک آ سر مسس ولے طالبان نا رکھوک آک سُم کاری کریسہ اودے مرگ ئناگواچی کریر۔
پولیس نا رد ئٹ خودکش جلہو کار ءِ مسخت اسکان سر مننگ آن مُست روسی سفارت خانہ نا رکھوک آک چائسُر و سُم ئٹ خلکُر۔
ایلو کنڈ آن ہندی میڈیا نا رد ئٹ خود کش جلہو کار روسی سفارت خانہ نا درگہ آ تراک کرینے۔ تراک نا وخت آ سفارت خانہ ٹی ویزا کنبندغ آتا بھلو کچ اس ساڑی ئس۔
یاتی مرے کہ روس ہمو منَہ جہانی ڈیہہ آ تیان اسٹ ءِ ہرا اسہ سال آن زیات وخت ئٹی، طالبان نا ڈیہہ آ قوضہ کننگ آن گڈ کابل ئٹ تیناسفارت خانہ ءِ ملوک ہلانے۔ اگہ ماسکو طالبان کوالخواہ تے سرکاری وڑ ئٹ منِپک، ولے او پٹرول و جتا مڈی تا بہا کن افسر آ تون ہیت وتران کننگ ءُ۔