بلوچستان نا علاقہ سوئی ٹی اسہ بندغ ئس خودکشی کریسہ تینا زند ءِ ایسر کرے۔
خودکشی نا تدینی سوئی چاکر واہ نا خڑک آ مونا بسونے، ہراڑے ڈاڈا بگٹی ولد پٹھان ہوتکانی پنی ءُ بندغ ئس تینے سم خلیسہ کسفینے۔
حوال تا رد ئٹ پن کروک بندغ اُرائی جیڑہ نا سوب آن تینا ایلم تون جنگ کریسہ تینے کسفینے۔
یاتی مرے کہ بلوچستان ئٹ برجاء سال کہی بندغ آک خودکشی کرینو، برجاء ہفتہ ٹی رپورٹ مروک آ دا ارٹمی تدینی ءِ، داڑان مالو کوئٹہ نا علاقہ دےکہی بائی پاس ئٹ حاصل پنی ءُ بندغ ئس خودکشی کریسس۔