حوال تا رد ئٹ بلوچستان نا ساحلی شار گڈانی ٹی کسٹم نا رویہ نا بر خلاف ٹرانسپورٹر تا برانز آن کراچی کوئٹہ نا بھلا روڈ بند مس۔
گیشتر حوال تا رد ئٹ جمہ نا دے کسٹم کوالخوا و کوچ والا تا نیام ئٹی ہڑدے نا چک و تاڑ آ اسیکہ وا گڈانی موڑ نا ہند آ گڑاس کوچ خواجہ غاک ہڑاند شاغیسہ بھلا روڈ ءِ ہر وڑ ئنا ان و بر کن بند کریر ہرانا سوب آن روڈ نا ہڑتوما پارہ غاتیان گاڑی تا مرغنو چِر اس لگا۔
روڈ بند مننگ آن کراچی آن بلوچستان کن سفر کروک آ مسافر آک بھاز سختی تا گواچی مسر، ایس ایچ او گڈانی شیراز بھٹو نا رد ئٹ کسٹم کوالخوا و کوچ خوامند آتا نیام ئٹی ہڑدے نا چک و تاڑ نا سوب آن ہڑاند جوڑ کریسہ بھلا روڈ بند کننگانے۔
اندن آر سی ڈی بھلا روڈ آ سفر کروک مسافر آک سختی تا گواچی ءُ ہراڑا ایس ایچ او گڈانی شیراز بھٹو و تحصیلدار گڈانی محبوب علی چنال برانز کروک آتون سرسہب مذاکرات کریسہ کسر ءِ ملفیر۔
یاتی مرے کہ دا وڑ بھلا روڈ ئنا بند کننگ ہڑدے ئی جوڑ مسونے ہرا نا سوب آن بھاز آ بھلا روڈ تیا سفر کروک مسافر آتے گھنٹہ آتا گھنٹہ پریشانی نا گواچی مروئی تیمک۔