لسبیلہ ٹی اِرا جتا ءُ تدینی تیٹ اسہ ورنا اس بیران و اِرا بندغ ٹپی مسر۔
شابیتی حوال تا رد ئٹ کوسٹل ہائی وے آ کراچی نا ہندی مُسہ بندغ ہرا کہ نانی مندر ہنگلاج یاترا کن ہِننگ ئسر، لسبیلہ نا تحصیل لیاری نا علاقہ ناکھٹی ٹی ترندی ئٹ ہننگ نا سوب آن اُلاخ چپی مس ہرا نا سوب آن باوہ و مار شترگن ولد رام چند و دیوہش ولد شترگن باز ٹپی مسر ہرافتے دمدستی جانجوڑی کمک کن ڈسٹرکٹ ہیڈ کوارٹر اسپتال اوتھل آ رادہ کننگا۔
ہراڑے بنداوی جانجوڑی کمک آن گڈ ٹپی آتے کراچی آ رادہ کننگا-
ایلو تدینی ٹی حب قطبی بائی پاس نا خڑک آ نادرست آ بندغ آتا سم کاری آن 25 سالی ورنا بیران مس ہرادے جام قادر ٹیچنگ ہاسپیٹل آ سر کننگا ولے داسکان خون مروکا نا چاہنداری مننگ کتنے۔
اندن بلوچستان نا بنجائی شار شال ایئر پورٹ روڈ کلی گل محمد بڑیچ آباد ٹی ساڑی مدرسہ نا چھت تمنگ آن 7 خوانندہ ٹپی مسر ہرافتے دمدستی جانجوڑی کمک کن سپتال آ دننگا، ٹپی مروکا تا حالیت خُطرہ آن پیشن ءِ۔