بلوچستان نا علاقہ بولان ٹی نادرست بندغ آک یوفون کمپنی نا موبائل ٹاور ءِ تراک ئٹ بھس کریر۔
شابیتی حوال تا رد ئٹ بولان نا علاقہ سنی ٹی نادرست بندغ آک یوفون کمپنی نا ٹاور نا مشینری ءِ تراک و خاخری سلاء تیٹ بھس کریر۔
ہندی حوال تا رد ئٹ سلاء بند بندغ آک ٹاور ءِ تراک ئٹ بھس کننگ آن گڈ نرار۔ کوالخواہ تا کنڈ آن داسکان دا بابت ہچو ہیت اس مونابتنے۔
اندن پن کروک جلہو نا ذمہ واری ءِ بی ایل اے نا ترجمان جیئند بلوچ ارفیسہ پارے کہ بلوچ لبریشن آرمی نا سرمچار آک بولان نا علاقہڈھاڈر، سنی ٹی یوفون کمپنی نا اسہ ٹاور ئسے نا مشینری ءِ راکٹ و ایلو سلاء تیٹ بھس کریر۔
او پارے کہ بلوچ لبریشن آرمی حوالکاری کمپنی تیا مالو ہم درشان کرینے کہ او کوزہ گیر پاکستانی لشکر نا پاننگ آ ٹاور آتا ٹہیفنگ ودژمن نا کمکاری ءِ بند کیر۔
جیئند بلوچ پارے کہ بلوچ لبریشن آرمی دا جلہو نا ذمہ واری ءِ ارفک و دا درشان کیک کہ کوزہ گیر لشکر و اونا کمکار آتیا ننا جلہوکبرجاء مرور۔