کراچی پولیس آفس آ مروک استو نا بھلا جلہو ئٹ پولیس نا اِرا، رینجرز تا اسہ کارندہ اس و اسہ شاری اس مرگ ئنا گواچی اندنپولیس و رینجرز تا 14 کارندہ ٹپی مسنو۔
سندھ ئنا سر وزیر مراد علی شاہ استو اسہ ویڈیو کلہو اسیٹ پارینے کہ کے پی او جلہو ئٹ پولیس نا اِرا ورنا، رینجرز تا اسہ کارندہاس و اسہ شاری اس مرگ ئنا گواچی و پولیس و رینجرز تا 14 کارندہ ٹپی مسنو۔
کوالخواک پارینو کہ اِرا خود کش جلہوکار خلنگانو و کم آن کم اسٹ اس پولیس نا ماڑی ٹی پیہنگ آن گڈ تینے تراک ئٹ بھس کرینے۔امریکہ دا جلہو نا مذمت کریسہ محکمہ خارجہ نا ترجمان نیڈ پرائس پارے کہ “امریکہ دا دہشت گرد آ جلہو ئٹ پاکستانی الس تونسوگوی ئٹ سلوک ءِ۔ بے دادی دا نا ورندی اف و دادے توننگ مرے۔“
ڈی آئی جی ایسٹ مقدس حیدر میڈیا ءِ پارے کہ ‘نن ئنا ہفت بجہ غا کنے حوال رسینگا کہ تھانہ غا جلہو مسنے۔ ننتون تھریٹ نا سوبآن کیو آر ایف ئس، نن اودے موو کرین ہرا پارے کہ دہشت گرد آک تھانہ غا سم کاری کرینو و کراچی پولیس آفس آ چغلی بمب خسیسہپیہانو۔ او پارے کہ بنائی وڑ ئٹ اوفک کم آن کم 20 آن 25 گرنیڈ خسار۔‘
بنجائی وزیر دفاع خواجہ آصف نا پاننگ ءِ کہ “دا وخت مذمت بس اف پشاور جلہو نا اِرا مُسہ ہفتہ ٹی تدینی خُلیس نا ہیت ئسے۔ ننےدا بابت منصوبہ بندی نا گرج ءِ و غٹ سیاسی ٹولی تے تینتون اوار دننگ نا گرج ءِ۔”
اندن پن کروک جلہو نا ذمہ واری ءِ تحریک طالبان پاکستان ارفیسہ پارینے کہ ننا مُسہ استشہادی مجاہد آک اللہ نا کمک ئٹ تیوہرکھوک گھیرہ ءِ پرغیسہ صدر آ ٹہیفوک پولیس نا رکھوک ہند کراچی پولیس ہیڈ کوارٹر آ جلہو کریر و مُسہ گھنٹہ اسکان ہیڈ کوارٹر آتینا کوزہ ءِ برجاء تخیسہ شہید مسر۔ جلہو ئٹ اِرا درزن آن زیات پولیس و رینجرز کارندہ غاک مرگ ئنا گواچی و ٹپی مسنو۔
ٹی ٹی پی نا ترجمان محمد خراسانی پین پارینے کہ دا جلہو غٹ اسلام دژمن و پاکستان نا تیوہ سکیورٹی ادارہ تیکن کلہو ئسے کہمجاہد آک ملک ئٹ شریعت نا ٹہیفنگ کن جنگ ءِ برجاء تخور و ہر اہم جاگہ غا فوج و پولیس ءِ ٹک کننگو تاکن ملک ئٹ اسلامی نظام ناٹہیفنگ کن کسر پیشتمے۔
او پارے کہ فوج اتون ننا دا جنگ آن پولیس آک مُر مریر نئے تو اندا وڑ پولیس نا بھلا افسر آتا رکھوک جاگہ تے ٹک کننگ نا لڑ برجاءمرو۔ و اندا وڑ نن سکیورٹی ادارہ تے اسہ وار پدا خبڑدار کینہ کہ بے ڈوہ قیدی تے دروغ نا مونتس تیٹ شہید کننگ نا لڑ ءِ بند کیر نئےتو بروک آ جلہوک پین ترند مرور۔