بلوچستان نا علاقہ خضدار شار ئٹ جھالاوان کمپلیکس نا ہند آ استو ترند تراک اس مس و اوڑان گڈ سم کاری نا توار بننگا۔
حوال تا رد ئٹ تراک ئٹ سپرنٹنڈنٹ آف پولیس نا اسکواڈ ءِ ٹک کننگا ہراٹی اِرا کارندہ مرگ ئنا گواچی اندن اسہ پین کارندہ اس ٹپیمسنے۔ تراک آن گڈ پولیس و فورسز آتا بھلو کچ اس جاگہ غا سر مس۔
فورسز آک علاقہ ءِ بند کریسہ مرگ ئنا گواچی و ٹپی مروک کارندہ تے سول اسپتال آ دریر، تراک نا گیشتر پٹ و پول پولیس کننگے۔
اندن پن کروک جلہو نا ذمہ واری ءِ بلوچ لبریشن آرمی نا ترجمان جیئند بلوچ ارفیسہ پارے کہ بی ایل اے نا اسپیشل ٹیکٹیکل آپریشنزاسکواڈ (ایس ٹی او ایس) اسہ آپریشن اسیٹ پولیس سپرنٹنڈنٹ نا کاروان ئٹ اوار اسہ گاڑی ئسے جلہو ئٹ ٹک کرے ہرانا سوب آن اِراپولیس کارندہ مرگ ئنا گواچی و اسٹ ٹپی مس۔
ترجمان تینا بیان ئٹ پارے کہ ایس ٹی او ایس دا کاروائی ءِ خضدار شار ئٹ جھالاوان کمپلیکس نا خڑک آ سر تس، مقناطیسی بمبجلہو ئٹ سپرنٹنڈنٹ آف پولیس ریٹائرڈ پاکستانی نیوی کارندہ فہد خان نا کاروان ئٹ اوار اِرا کارندہ عبدالسلام و محمد دین مرگ ئناگواچی و پین اسہ کارندہ اس ٹپی مس اندن اوفتا گاڑی تیوہ بھس مس۔
او پارے کہ دا کاروائی خضدار شار و ایب کیب ئٹ پاکستانی لشکر و ڈھکوک ادارہ تا پاننگ آ پولیس و لیویز نا بلوچ الس ئنا بر خلافکاریم تا ردعمل ئٹ کننگا، پولیس پٹنگ و چھاپہ تا پِن آ بلوچ الس ئنا بے شرفی تون اوار اوفتیا بے دادی ٹی اوار مسنے، اندن بھاز آ ورناتا زوراکی ئٹ بیگواہی ٹی بھاز آ کارندہ غاک دژمن تون کمکار نا وڑ ئٹ کاریم کننگ ءُ۔
جیئند بلوچ نا پاننگ ئس کہ بلوچ لبریشن آرمی دا درشان کرینے کہ بلوچ راجی آجوئی نا جنگ ئٹ اگہ پولیس و لیویز کون آ ہندی فورسزآک غیر جانبدار مسر گڑا اوفتے ہچو نسخان اس رسینگپرو، ولے اگہ پن کروک فورسز آک کوزہ گیر لشکر نا کمکار ئنا کڑد سر تریسہبلوچ تحریک آجوئی و بلوچ سرمچار تا مونا ہڑاند بش کننگ نا کوشست کریر گڑا اوفتے بیم بش کروک ایسری ئسے نا گواچی کننگو۔ایس پی پولیس نا کاروان آ دا جلہو ءِ خبڑداری اس تکنگے، اگہ پولیس تینا قبلہ ءِ جوان کتو گڑا سرمچار آتے پاش پنت کننگو کہ اوپولیس و لیویز ءِ ہمو وڑ ٹک کیر، ہرا وڑ پاکستانی لشکر و ایف سی ءِ ٹک کننگک۔