بلوچ لبریشن آرمی نا ترجمان جیئند بلوچ میڈیا غا شینک کروک بیان اسیٹ جتاء جلہو تا ذمہ واری ءِ ارفیسہ پارے کہ بی ایل اے ناسرمچار آک زامران، کولواہ، خاران، پنجگور و ڈھاڈر ئٹ جتاء حالیت نا جلہو تیٹ کوزہ گیر پاکستانی لشکر ءِ ٹک کریر، جلہو تا سوب آندژمن فوج ئنا پنچ کارندہ مرگ ئنا گواچی و ہفت ٹپی مسر۔
ترجمان پارے کہ بی ایل اے نا سرمچار آک اینو سہب ئنا ہشت بجہ نا خڑک کیچ ئنا علاقہ زامران ئٹ سادیم نا ہند آ کوزہ گیر پاکستانیلشکر نا اسہ گاڑی ئسے ہموتم جھپ کریسہ ٹک کریر، ہراتم او پن کروک علاقہ ئٹ گشت آ ئس۔ سرمچار آک پوسکن و بھلا سلہہ تےکاریم ئٹ ایسر، ہرا نا سوب گاڑی ٹی سوار دژمن لشکر نا غٹ چار کارندہ شیر احمد، لانس نائیک محمد اصغر، سپاہی محمد عرفان وسپاہی عبدالرشید جاگہ غا مرگ ئنا گواچی مسر۔
ترجمان جیئند بلوچ پارے کہ جلہو نا سوب دژمن فوج ئنا گاڑی تیوہ بھس مس اندن سرمچار آک غٹ کارندہ تے مرگ ئنا گواچی کننگ آنگڈ اوفتا سلہہ و گولہ بارود آتے کوزہ کریر۔
جیئند بلوچ نا پاننگ ئس کہ بی ایل اے نا سرمچار آک اینو ارٹمیکو جلہو ءِ پنجگور شار ئٹ کوزہ گیر پاکستانی لشکر نا ہیڈ کوارٹر نارکھوک چوکی آ ساڑی کارندہ تے چغلی بمب جلہو ئٹ ٹک کریر، تراک نا سوب اسہ دژمن کارندہ اس جاگہ غا مرگ ئنا گواچی مس۔
جیئند بلوچ پارے کہ استو بی ایل اے نا سرمچار آک نو بجہ نا خڑک کولواہ، رود ئٹ کوزہ گیر پاکستانی لشکر نا کیمپ آ کبین سلہہ تیٹجلہو کریر ہرا نا سوب دژمن فوج ئنا کم آن کم اِرا کارندہ ٹپی مسر اندن دژمن ءِ گیشتر مالی نسخان تون مون تروئی تما۔
ترجمان جیئند بلوچ پارے کہ استو ننا سرمچار آک خاران ئٹ البت نا ہند آ کوزہ گیر پاکستانی لشکر نا بنجائی کیمپ ءِ کبین سلہہ تیٹٹک کریر، سرمچار آک راکٹ و گرنیڈ لانچر آتیٹ دژمن نا کیمپ آ کیہی گولہ تے خلکر ہراڑان کم آن کم مُسہ دژمن کارندہ ٹپی مسر اندنجلہو آن کیمپ ءِ بھاز نسخان رسینگا۔
جیئند بلوچ تینا بیان ئٹ پین پارے کہ ننا سرمچار آک درو اسہ پین جلہو اسیٹ سبی نا علاقہ ڈھاڈر ئٹ قلم دین چوک آ ٹہیفوک دژمنلشکر نا پوسٹ ئسے آ ساڑی کارندہ تے چغلی بمب جلہو ئٹ ٹک کریر، تراک نا سوب ساڑی اِرا دژمن کارندہ جاگہ غا ٹپی مسر۔ جلہو آنگڈ دژمن کارندہ غاک ہربشی مریسہ تینا مون سم کاری کریر۔
جیئند بلوچ گڈ سر ئٹ پارے کہ بلوچ لبریشن آرمی پن کروک جلہو تا ذمہ واری ءِ ارفک و نن دا ہیت ءِ دوارہ کینہ کہ دژمن لشکر ناپیشتمنگ اسکان ننا کاروائیک ترندی ئٹ برجاء مرور۔