بلوچستان نا ضلع نوشکی ٹی نادرست سلاء بند بندغ آک سم کاری کریسہ اسہ بندغ ئسے مرگ ئنا گواچی و اسٹ ءِ ٹپی کریر۔ مرگ ئناگواچی مروک نا خاہوت میت تون اوار آر سی ڈی بھلا کسر ءِ برانز کریسہ بند کریر۔
گیشتر حوال تا رد ئٹ استو سئے بجہ غا آر سی ڈی بھلا کسر آ محفل ہوٹل نا خڑک نادرست بندغ آک سم کاری کریسہ محمدحیات پنیءُ بندغ ئسے کسفیر و اوڑتون اوار محمد یعقوب جمالدینی ءِ ٹپی کریر۔
جلہو کروک آک ہند آن نرار، ویل ئنا برخلاف کسفنگوک محمد حیات گرگناڑی نا خاہوت ہفتہ نا دے میت تون اوار آر سی ڈی بھلا کسر آتولوک برانز کرے ہراڑان کوئٹہ تفتان بنجائی کسر آ مُچی مس و گاڑی تا مرغنو لیک اس لگا۔
روچہ ٹی مسافر آک و ٹرانسپورٹر آک سختی و پریشانی تا گواچی مسر ایس پی عبدالروف بڑیچ ڈی ایس پی و ایس ایچ او اوار خاہوتتون گپ تران کریر و خونی تا دمدستی وڑ ئٹ دزگیری نا یخین آ خاہوت برانز ءِ ایسر کرے۔ دا وخت آ بی این پی نا سنٹرل کمیٹی ناباسک میر خورشید جمالدینی و ایلو سیاسی جماعت آتا راہشون آک ساڑی ئسر۔