تربت نا علاقہ آبسر آن پاکستانی فورسز کارندہ آک اسہ ورنا ئسے زوراکی ئٹ بیگواہی نا گواچی کریسہ نا درست ہند آ دریر ، اندنضلع کیچ تمپ نا ہندی ورنا ئس کراچی آن بیگواہ کننگا و اسہ بیگواہ بندغ ئس آجو مریسہ تینا ارا ءِ رسینگا ۔
بیگواہ کروک بندغ نا چاہنداری طاہر ولد استاد عزیز نا پن آن مسونے ۔ ہرا آبسر نا ہندی ئسے ۔
ذرائع تا ردئٹ پن کروک ورنا ءِ فورسز کارندہ آک تدوکا دے شام نا وخت اونا جند نا دکان آ چھاپہ خلیسہ دزگیر کننگ آن گڈ نا درستہند آ دریر ۔
اسہ پین حوال ئسے نا ردئٹ سندھ دارالحکومت کراچی آن پاکستانی فورسز کارندہ آک نن نیمہ آ جام گوٹھ ملیر ٹی ہندی حیات سکنہکیچ تمپ کور نا اُرا غا چھاپہ خلیسہ اودے اونا اِرا مار امیر و جلال تون اوار بے دادی آن گڈ دزگیر کریسہ زوراکی ئٹ بیگواہ کریر ۔
خاہوت نا ردئٹ منہ گھنٹہ آن گڈ حیات و امیر ءِ یلہ کننگا و اوفتے دا پاننگا کہ اوفک فورسز کارندہ آتا دوتیان بیگواہ کروک جلال نابیگواہی آ چپ مریر ۔
خاہوتی ذرائع تا ردئٹ جلال نا پاسپورٹ و ارا ٹی مروک ارا موبائل سم آتے ہم کارندہ آک تینتون اوار دریر ۔
ایلو پارہ غان نوشکی آن نو تو مالو زوراکی ئٹ بیگواہ کروک حبیب بادینی آجو مریسہ تینا ارا ءِ رسینگا ۔