کوئٹہ تون اوار بلوچستان نا جتا ضلع تیٹ پِر تا لڑ برجاء ءِ۔
محکمہ مُد نا رد ئٹ دو شمبے نا دے کوئٹہ، ژوب، زیارت، چمن، پشین، قلات، خضدار، بارکھان، نصیر آباد، پنجگور و آواران ئٹ گروکتون اوار پِر تا لڑ برجاء مس۔
محکمہ نا رد ئٹ سئے شمبے آ کوئٹہ، ژوب، زیارت، قلات، خضدار، بارکھان ئٹ ترند تہو و گروک تون پِر اندن صوبہ نا ایلو علاقہ تیٹ مُدخشک مننگ نا گمان ءِ۔
پِر ئنا سوب کوئٹہ تون اوار بلوچستان نا جتا ضلع تیٹ بجلی نا ہن و بر بناء مسونے ہرا نا سوب اُراتے اسکان گٹ مروک بندغ تے سختیتون مون تروئی تما اندن گیس پریشر نا کمبوتی و ہن و بر ہم مخلوق ءِ خوار کرینے۔
مخلوق تا پاننگ ءِ کہ دا سال سیڷ ئنا بناء مننگ تون او گیس ئنا نعمت آن نیست مسر و اوفتے پوغ، پاٹ و خاخر نا ایلو ذریعہ تیکنگیشتر خرچ سگوئی تما و ہمو لڑ دائسکان برجاء ءِ۔
داڑان بیدس پِر تا سوب شار تا صفائی نا حالیت ہم بھاز زیمی مسونے۔