بلوچستان نا ضلع خضدار و پنجگور آن پاکستانی فورسز کارندہ آک اِرا ایلم تون اوار پنچ بندغ ءِ زوراکی ئٹ بیگواہی نا گواچی کریسہنا درست ہند آ دریر ۔
شابیت حوال تا ردئٹ خضدار نا علاقہ کوڑاسک دوہلیڑی ٹی تدوکا مسہ دے آن فوجی آپریشن برجاء ءِ آپریشن نا وخت فورسز کارندہآک ارا حقی ایلم تے دزگیر کریسہ بیگواہ کریر ۔
خضدار آن بیگواہ مروک آتیٹ بشیر احمد ولد تاج محمد سمالانی و اونا چنکا ایلم ہم اوار ءِ۔
علاقائی ذرائع تا ردئٹ تدوکا مسہ دے آن فورسز کارندہ آتا آپریشن برجاء ءِ ہرا علاقہ آن بھلو کچ ئسیٹ لس بندغ آتا ہُچ و بیش تےپُلیسہ خضدار و مشکے نا مشی آ لڑ ئٹ پیہار۔
واہم کوالخواہ نا ہیت دا آپریشن نا حوالہ ئٹ دائسکان مونا بتنے ۔
ایلو پارہ غا پنجگور آن حوال آکو کہ تدوکا نن فورسز کارندہ آک اسہ برام ئسے نا تقریب آ ہنیسہ مسہ بندغ ءِ زوراکی ئٹ بیگواہی تاگواچی کریر نا درست ہند آ دریر ۔
بیگواہ مروک آتا چاہنداری ضیاء ولد نوراللہ ، انعام ولد اسحاق و ماجد ولد عبدالحمید نا پن آن مسونے ۔