ہشت سال مالو بیگواہ مروک نوید لانگو داسکان یلہ کننگتو-خاہوت
بلوچستان نا ضلع قلات نا تحصیل منگچر آن ہشت سال مالو زوراکی ئٹ بیگواہ مروک سید محمد لانگو نا مار نوید احمد داسکان یلہ کننگتو۔
نوید احمد لانگو ہند کلی ملنگزئی نا خاہوت نا پاننگ ءِ کہ نوید احمد لانگو ءِ ہشت سال مالو 15 اپریل 2015 ئٹ پاکستانی لشکر منگچر بازار آن چار سنگت تون اوار دزگیر کریسہ نادرست ہند آ درے۔
خاہوت نا پاننگ ءِ کہ مُسہ دے آن گڈ فورسز آک نوید احمد لانگو نا 2 سنگت ءِ یلہ کریر اندن نوید احمد لانگو تینا اسہ سنگت ئسے تون اوار داسکان بیگواہ ءِ و اوفتا بابت ہچ وڑ ئنا معلومداری رسینگتنے۔
خاہوت بندغی حق آتا گل آتیان خواست کرینے کہ او نوید احمد لانگو نا یلہ مننگ کن توار بڑز کیر تانکہ اودے بیدس قانودی و بیدس بندغی زوراکی نا بیگواہی آن آجوئی رسینگے۔