پاکستان نا بنجائی شار اسلام آباد ئٹ نیشنل پریس کلب نا مونا بلوچ نسل کشی و زوراکی نا بیگواہی تا برخلاف برانز نا 59 می دے بلوچ یکجہتی کمیٹی نا کنڈ آن اڈ ہلوک ‘مظلوم قوم آتا جہانی کانفرنس’ برجاء ءِ۔
اینو سہب آن پولیس نا بھلو کچ ئس جتا کسر تیا سلوک کسر تے بند کرینے و تولوک برانز جاہ نا چھارمہ کنڈ خاردار تار تالان کننگانے۔ داکان بیدس کانفرنس ئٹ اوار مننگ کن بروک بندغ آتے جتا ہڑاند آتون مون تروئی تمنگ ءِ۔
بست و بند کروکا تا پاننگ ءِ کہ اینو پولیس نا بھلو کچ ئس جتا ہند آتیا ساڑی ءِ ہرا کسر تے بند کرینو۔
کانفرنس ئٹ اوار منننگ کن بروکا بندغ آتے جتا ہڑاند آتون مون تروئی تمنگ ءِ۔ نیشنل پریس کلب اسلام آباد و انٹرنیشنل مظلوم پیپلز کانفرنس ئٹ بلوچ نسل کشی نا برخلاف تولوک برانز نا بست و بند کروکا تا پروفائلنگ و بیم تننگ نا لڑ برجاء ءِ۔
مہمان تے و آئی او پی سی نا اوار مروکا تے دڑکو تننگ ءُ و اوفتے اوار مننگ آن توننگ مننگ ءِ۔
او پاریر کہ ننے تینا تولوک برانز آ پولیس نا کنڈ آن بھلو کریک ڈاون ئسے نا خلیس ارے۔ و زند ئنا غٹ شعبہ آتون تعلقداری تخوکا تیان خواست ءِ کہ دا عمل نا برخلاف توار بڑز کیر۔
کانفرنس ئٹ وقفہ نا وختا پیشن ہنوکا تے پولیس تورِسہ دوارہ تہٹی پیہنگ آن تورے، واہم پدان اوفتا شناختی کارڈ تے ہُننگ آن گڈ اوفتے تہٹی ہِننگ نا موکل تننگا۔
وقفہ آن پد کانفرنس برجاء ءِ، ہراٹی بلوچستان، سندھ، کشمیر، گلگت، پشتوں خواہ آن جتا مکتبہ فکر نا بندغ آک اوار ءُ۔