سگار پبلیکیشنز نا پارہ غان بلوچ اسٹوڈنٹس آرگنائزیشن آزات نا سیاسی تاک ”سگار“ نا بیست و چارمیکو تاک شینک کننگانے۔
سگار نا بیست و چارمیکو تاک بلوچی، براہوئی و انگلش بولی ئٹ 204 پنہ غا تالان ءِ ہراٹی جتا نوشت آتیتون اوار گل ئنا کماش درپشان بلوچ نا دی بلوچستان پوسٹ تون مروک انٹرویو ہم اوار ءِ۔
سگار 24 ئٹ ڈیہہ ئنا سیاسی حالیت و جہانی سیاست آ تالان نوشت آک اوار ءُ و بلوچ راجی جہد ئتون تفوک جتا سرحال تیا نوشت آک ہم ساڑی ءُ۔
یاتی مرے داکان مالو ہم بلوچ اسٹوڈنٹس آرگنائزیشن آزات نا پارہ غان ”پاکستانی انتخابات اور بلوچ قومی ذمہ داریاں“، ”ریکوڈک معاہدہ و بلوچستان نا مڈی تا لٹ و پُل“، و ”باسکی کورس“ چنک کتاب آک شینک کننگانو۔