بلوچستان نا ضلع کیچ نا جتا علاقہ تیٹ لشکر کشی نا حوال آک ءُ۔ اندن جتا علاقہ تیٹ پند آ فوجی کارندہ تا ہن و بر و کسر تے بند کننگ تون اوار گن شپ ہیلی کاپٹر آتا بال برجاء ءِ۔
رسینگوک حوال تا ردئٹ اینو سہب آن ناصر ئٹ بھلو کچ اسیٹ فوجی کارندہ تا ہن و بر برجاء ءِ اندن ایلو پارہ غا دشت نا جتا علاقہ تے فورسز آک پلویڑ کریسہ ناکہ بندی کریسہ ءُ۔
ایڑے بلیدہ غان ہم حوال آک رسینگانو کہ اینو سہب آن گن شپ ہیلی کاپٹر آتا بال برجاء ءِ، واہم لشکر کشی نا وخت آ دائسکان ہچو وڑ ئنا دزگیری یا جانی نسخان تا حوال رسینگتنے۔
علاقائی حوالکار آک پن کروک لشکر کشی ءِ پک کرینو واہم کوالخواہ تا ہیت دائسکان مونا بتنے۔