بلوچستان نا علاقہ بارکھان ئٹ موبائل ٹاور آک جلہو آتا دک آتیٹ ءُ، اِرا دے نا تہٹی مسہ موبائل ءِ سلہہ بند بندغ آک جلہو آتیٹ ٹِک کرسہ بھس کریر۔
درو بغاؤ نا علاقہ چھودی ٹی سلہہ بند بندغ آک یوفون کمپنی نا موبائل ٹاور آ سم کاری کننگ آن گڈ مشینری ءِ خاخر تسر۔
منہ گھنٹہ غان گڈ ولدا بغاؤ نا علاقہ لعل جان بھکرانی ٹی یوفون کمپنی نا اسہ پین ٹاور ئسے سلہہ بند بندغ آک ٹِک کرسہ بھس کریر۔
موبائل ٹاور نا بھس مننگ آن گڈ علاقہ ٹی نیٹورک تیوہ وڑ ئٹ بند مسنے۔ کالخواہ دا باروٹ دائسکان ہچو ہیت ئس مونا ہتتنو۔
ہندا علاقہ ٹی اِرا دے مست ہم اسہ ٹاور ئسے جلہو ئٹ ٹِک کرسہ بھس کننگا ہرانا ذمہ واری ءِ بلوچ آجوئی دوست گل بلوچستان لبریشن فرنٹ ارفیسس۔
تیوہ بلوچستان ئٹ سلہہ بند آجوئی دوست گَل آک احوالکاری بست و بند آتے ٹِک کرسہ کرینو۔ ہرافتا پاننگے کہ پن کروک ٹاور آتیان جاسوسی نا کاریم ہلنگک۔